المكونات
لتحضير هاته الوصفة نحتاج لكيلو بطاطس مصلوقة وممعوكة مع القليل من الملح وليبزارو2 فرماجات
وبالنسبة للحشوة كتبقى حسب الرغبة وحتى القياس تيبقى على حسب عدد الاسرة
انا استعملت روز مصلوق-الجزر مقطع مكعبات ومصلوق-جلبانة مصلوقة-البيض مصلوق ومحكوك او مقطع مربعات- علبة طون او علبتين مصفي من الزيت-الكاشير مقطع مربعات صغار-القليل من الملح والفلفل الاسود- القليل من المعدنوس مقطع- المايونيز والكيتشوب للتزين
طريقة التحضير
في اناء نخلطوا كل المكونات جيدا مع الملح وليبزارونجمعوهم بالمايونيز
في طبق التقديم نوضعوا اطار اما دائري اومربع او على شكل قلب ممكن نعملوه كبير او صغيريجيو فرديين المهم على حسب الرغبة وندهنوه بالقليل من زيت الطون اللي صفينا ونوضعوا القليل من خليط البطاطس ونضغطوا عليها بملعقة مذهونة بالزيت وحنا تنلبسوها للمول وحتى من الجوانب ونعمروا بالحشوة جيدا ونغطيوها بخليط البطاطس ونقادوا ليها الوجه وندهنوه بالمايونيزونزولوا الايطار ونعملوا خطوط بالكيتشوب ونجروا بعود الاسنان باش تجي فحال ميل فوي ونقدموها بالصحة والراحة
فعلا مقدمة بشكل راقي جدا ماشاء الله عليكي و بصحتكم
ردحذفشكرا ليك عزيزتي لميا
حذفتبارك الله عليك ام يحيى
ردحذفربي يخلليك حبيبتي لبنى اسعدني مرورك
حذفالله يعطيك الصحة حبيبة .... سلطة كتشهي
ردحذفشكرا ليك عزيزتي جميلة اسعدني مرورك
حذفالله يسلم يديداتك عزيزتي
ردحذف