هذا تطبيقي لشنيك مورق بالفوكه المعسلة لاختي وحبيبتي الغالية نزهة من طانطان الله يعطيها صحيحتها وينولها مرادها يارب
المقادير
500غ الدقيق
بيضة
3معالق كبار سكر سنيدة
ملعقة كبيرة من الحليب المجفف
معلقة كبيرة زبدة
معلقة كبيرة خميرة الفورية
معلقة فاني او2 خنيشات فاني
قطرة الخل
قبصة الملح
الماء الكافي
للتوريق
200غ زبدة ماركرين
الحشوة
كريم باتيسيير+ ياغورت فاني
علبة من الفواكه المعسلة
125غ زبيب مقطع
في قصرية نضع كل المكونات ونجمعوا بالماء دافي وتكون شوية مرخوفة وتدلك جيدا وتغطى ببلاستيكة مدة 10 دقائق.
نقسموا العجين الى 6 كريات صغارمتساويين وتدلك كل كرة ونوضعوهم في بلاطوفي الثلاجة ونغطيوهم مدة 10 دقائق والاكان الحال بارد ماتحتاجش الثلاجة.
نذوبوا 200غ زبدة ماركرين ونرشوا الرخامة بالدقيق
ونسرحوا الكرة الاولى اما مربع او مستطيل ما غليظة ما رقيقة ونوضعوها فبلاطو وندهنوها ب2 معالق من الزبدة دايبة ونسرحوا الثانية ونوضعوها فوق الاولى وندهنوا بالزبدة وهكذا حتى النهاية
الكرة الاخيرة ماندهنوهاش وندخلوهم للثلاجة 15 دقيقة.
الكريم باتيسيير
في كسرول نوضعوا لتر حليب ناقص كاس
4 حتى ل 5 معالق سنيدة
3 معالق بودرة كريم باتيسيير
2 فاني
ونخلطوهم على النار ختى يختار ويبرد ونضيفوا ليه ياغورت فاني ومن الاحسن نوجدوه على تيساع.
نرشوا الرخامة بالدقيق ونسرحوا العجين رقيقة ونوزعوا الكريما ونرشوا الفواكه المعسلة والزبيب مقطع
ونلويو العجين ثم نقطعوها بالخيط على شكل دوائر ونوضعوهم في صفيحة مدهونةوندهنوهم باصفر بيضة +بيضة ومعلقة كبيرة حليب سائل وراس معلقة قهوة سريعة الذوبان
نتركوهم يخمروا جيدا ونعاودوا ندهنوهم مرة اخرى وندخلوهم للفرن يتحمروا ثم ندهنوهم بالعسل او الكونفتير او الناباج ونرشوا باللوز ايفيلي وبالصحة والراحة
وماتنساونيش من صالح دعائكم لي ولاختي نزهة الله يجازيها بكل خير
إرسال تعليق