مملحات او مقرمشات بعجين واحد وبنكهات مختلفة

مكونات العجين

كيلو دقيق-  250غ زبدة لينة- 6 فرماجات- ملعقة كبيرة ملح- ملعقة كبيرة حليب مجفف(نيدو)- ملعقة كبيرة خردل (موطارد)- ربع ملعقة صغيرة فلفل اسود(ليبزار)- خمارة- 100غ جبنة مبشورة- القليل من بذور الخشخاش (البافو)- نصف كاس زيت زيتون - القليل من الثوم غبرة والبصل غبرة (اختياري)- نقطة من الخل-علبة ياغورت بدون سكر- وكاس كبير من الماء تقريبا لجمع العجين

طريقة التحضير

في اناء نمزج الدقيق والزبدة والملح والخمارة.....وجميع المكونات باطراف الاصابع حتى نحصل على عجين مرمل ثم نضيف الماء الكافي حتى نحصل على عجين لين نقسمه الى كريات صغيرة نقوم بتنسيمهم حسب الرغبة ونغطيهم ببلاستيك غذائي ثم ندخلهم للثلاجة لمدة 30 دقيقة.

-كرة ضفت ليها ملعقة كبيرة من السودانية غبرة وملعقة صغيرة من عطرية الحوت وسرحتها رقيقة وطبعتهم باشكال مختلفة والشكل الثاني قطعتوا على شكل اشرطة ثم مستطيلات صغار دهنتهم بالبيض ورشيت بالبافو.

-كرة ضفت ليها الزيتون اسود مطحون وخلليت طريفات صغار فيه وقسمت العجين الى نصفين نصف عملتوا حرابل رقاق ومرمدتهم فالزنجلان ابيض ووضعتهم فالمجمد ثم قطعتهم بالمقص على شكل فقيقصات صغار والنصف الاخر سرحتوا وصنعت منه اشرطة ودهنتهم بالقليل من البيض  ورشيت بالزنجلان ابيض ولويتهم على شكل بابيون والشكل الثال لويتو حول نفسه.

-كرة ضفت ليها ملعقة كبيرة عامرة من معجون الطماطم وملعقة من السودانية غبرة عملتهم حرابل ووضعتهم فالمجمد ثم قطعتهم بالمقص على شكل فقيقصات.

- كرة سرحتها رقيقة ودهنتها بالبيض ورشيت بالفرماج محكوك ولويتها مزيان تقريبا 2 دورات وقطعت ودخلتهم للمجمد حتى قصاحوا وقطعتهم بسكين ومستطيل اخر دهنتوا بالبيض ورشيت بالزعتر ولويتو حربل بنفس الطريقة والشكل الثالث عملتوا على شكل كرواصون صغير محشو بالفرماج.

-كرة سرحتها بالدلاك جيدا ودهنتها بالبيض ورشيت بالمورتديلا الحار ولويت بنفس الطريقة دخلتهم للمجمد وقطعتهم بالسكين

دخلت الكل الى فرن ساخن على درجة حرارة هااادئة حتى النضج وتذهب اللون ديالهم 

ونقدموهم بالصحة والراحة

ولاتنسوني من صالح دعائكم