السلام عليكم حبيباتي بالنسبة للاخوات اللي ملقوش المول العجيب ديال الحفرة يمكن لهم يتبعوا هاد الطريقة باش يحصلوا على نفس شكل الكيك ديالوا ولهذا قررت نسميه كيك المفاجاة نتمنى ينال اعجابكم
المكونات
الكيك
4 بيضات
كاس سنيدة(العنبة)
كاس زيت
2 معالق كبار كاكاو
7 معالق كبار دقيق
2 خمارات
ملعقة صغيرة من الخل
قبصة الملح
الكريما
نصف لتر حليب
2 معالق كبار سنيدة
2 ساشي فلان كراميل او شكلاط
ياغورت شكلاط او كراميل على حسب النكهة المفضلة
ملعقة صغيرة عصير الحامض
الطريقة
نطربوا البيض مع السنيدة وقبصة الملح جيدا ثم نضيف الزيت تدريجيا ثم الدقيق منخول مع الخمارات وفي الاخير الخل ونصب العجين في مول مدهون بالزبدة ومرشوش بالكاكاو وندخله للفرن
بعد اخراج العجين ناخد شي صحن او اطار دائري وندوروا بالسكين ونزولوه ثن نزولوا البابة اللي فالوسط ونوحدوا الكريما
نغلليو الفلام مع الحليب ثم نضيف الكيك مفرتت وعصير الحامض ونحرك ونضيف علبة ياغورت كراميل ونزولوه من فوق النار
نطحنوه في مولينكس جيدا ونصبه في الحفرة ثم نزين الكيك حسب الرغبة انا استعملت هاد البلاستيكة
بالصحة والراحة
إرسال تعليق