المكونات
500غ الدقيق
بيضة
5 معالق كبار سنيدة
2 معالق كبار زبدة مدوبة
2 معالق كبار من الحليب المجفف
معلقة صغيرة من بودرة الفاني
معلقة كبيرة من خميرة الخبز
القليل من الملح
القليل من الماءالدافئ
للحشو
300غ زبدة مدوبة للتوريق
الكريم باتيسيير
شكلاط اسود
الطريقة
نخلطوا الكل حتى الحصول على عجين متماسك شيئا ما ندلكه جيدا واحنا تنرشوا الماء حتى ترخف نتركها لتتخمر ثم نعيد عملية الدلك جيدا ونشكلوها كويرات 8 او9 ويرتاحوا قليلا
نسرحوكل كرة جيدا بالزبدة مدوبة ونبداو نطويوها فحال الرغيفة بحيث كل جهة تنطويوها واحنا تندهنوها بالزبدة وهكذا حتى النهاية
ناخدوا كل رغيفة ونسرحوها بالدلاك على شكل طولي كما هو موضح في الصورة ونقسموها على2 ثم نحشيوها بالكريم باتيسيير والشكلاط ونلويوها ونضعها مباشرة في صينية مدهونة وندهنوهم باصفر البيض مطرب مع نسكافه ونخليوهم يخمروا للمرة الثانية ونعاودوا ندهنوهم وندخلوهم الفرن ساخن على درجة حرارة 190
إرسال تعليق