السردين مقلي بطريقة رااائعة

كيلو سردين منقي 

1 بصلة مقطعة رقيقة 

1 مطيشة مقطعة رقيقة

نصف قشرة حامضة مصيرة

ربطة المعدنوس و القزبور 

4 ضروس ثومة

كامون - لبزار 

الطريقة

ناخد السردين ونزولوا له السلسول و الجناب ديالوا حتى يتنقى مزيان و نرقدوه 20 دقيقة تقريبا في الخل و الملح ثم نغسلوه جيدا و نسقطروه من الماء ونقطعوه طريفات صغارو نضيفو له البصلة و مطيشة و الربيع مقطع والثوم مهروس و قشرة الحامض مصير و التوابل ونخلطوه ونصنعوا منوا كويرات نمرمدوهم في الطحين ثم نقليوهم في حمام زيت ساخن