المكونات
500غ دقيق
375غ زبدة الخاصة بالتوريق
(انا استعملت زبدة اطلس)
250غ الماء
(اي مايعادل ربع لتر)
القليل من الماء ايضا تقريبا 5 سل
القليل من الملح
الطريقة
ناخذ ربع لتر من الماء ونضع فيه الملح وفوق طاولة العمل نوضعوا الدقيق ونصنعوا حفرة في الوسط ثم نصبوا الماء ونبداو نجمعوا بالاصابع ديالنا ثم نستعملوا سباتيل من الاحسن تكون ماضية ونحاولوا نجمعوا بها العجين كما هو موضح في الصورة ومرة مرة تنرشوا بالماء اللي بقى لينا تقريبا 5 سلل حتى تجمع ومندلكوهاش نهائيا نشكلوا ودينات فجناب ونعاود نشكلوا ودينات اخرين من الجهة الاخرى حتى الحصول على زائد
في ورق الطهي نضع الزبدة تكون ماقاصحة مالينة نحاولوا نشكلوها على شكل مربع صغيربعدما ضربناها بالدلاك
ناخذ العجين ونسرحوا الودينات بالدلاك مزيان ونوضعوا الزبدة في الوسط ونجمعوا الجوانب حتى نحصلو على ظرف وحنا تنزولوا فائض الدقيق
نرشوا بالدقيق ونبداو نسرحوها بشكل طولي يكون طول مساوي تقريبا 3 اضعاف ديالوا ونحاولوا نعملو ضغطات بالدلاك كما هو موضح في الصورة ونسرحوها نزولوا فائض الدقيق ونطويوها على النصف دائما نزولوا الديق ونعاودوا نطويو ودائما نبقاو على نفس الاتجاه
نسرحوا العجين للمرة الثانية فوق الدقيق نعاودوا نطويوها بنفس الطريقة ونعاودوا نسرحوها ونطويوها للمرة الثالثة ...وهكذا حتى نوصلوا للمرة السادسة غتكون هيا الاخيرة وهاكدا غنحصلوا على عجين مورق سهل وسريع التحضيرونتيجة مرضية و من الاحسن نتركوه حتى الغد ونخدموه بيه او نقسموه ونوضعوه في المجمد الى حين الاستعمال نجبدوه من قبل حتى يترخف ونخدموا بيه ومنقسموهش في الحين حيث متتجيش التقطيعة مزيانة ننصحكم تجربوه لانه بالفعل عجين رااائع ويستحق التجربة
إرسال تعليق