كيك بريستيج بكريمة رائعة

مكونات الكيك

   2 بيضات

كاس سنيدة

كاس لاروب زيت
 كاس حليب

2 كيسان دقيق نقصوا منهم 2 معالق كبار ونعوضوهم بملعقتين من النشا

خمارة

قبصة الملح

نصف ملعقة صغيرة خل 

مكونات الكريمة

نصف لتر حليب-3 معالق كبار من الكريم باتيسيير-3 معالق كبار من سكر السنيدة-3 قطع من الفرماج مثلث او مربع- فاني - ملعقة صغيرة زبدة-ياغورت كريمي

الطريقة

في الخلاط الكهربائي نخلط كل من البيض والسنيدة ثم الزيت والحليب والملح ثم نضيف الدقيق منخول مع الخمارة والنشا ونخلط وفي الاخير نضيف الخل ثم نصب الخليط في المول العجيب بعدما ذهناه ورشيناه بالدقيق وندخله لفرن بارد على درجة حرارة 180 حتى ينضج الكيك

في الخلاط الكهربائي نخلط كل من الحليب وقطع الفرماج جيدا ثم نضيف السنيدة والفاني والكريم باتيسيير ونصب الخليط في كسرول نضعه على نار هادئة مع التحريك حتى يعقاد نزيله من فوق النار ونضيف ملعقة زبدة ونحرك نتركه تقريبا 3 دقائق حتى يبرد ثم نضيف ياغورت كريمي انا تيعجبني بيرلي او دنينو ونحرك ثم نصبه في الكيك مباشرة 

بالنسبة للتزين لنا حرية الاختيار ممكن اضافة الفواكه الجافة مقطعة للكريمة او ممكن نوضعوا قطع الفواكه فوق الكريمة مثلا الخوخ الكيوي الموز ... او لا نكتفيو غير بخطوط دائرية بشكلاط ونجروا بالسكين باش نعطيوها شكل ميل فوي ندخلوها للثلاجة واحد نصف ساعة تقريبا حتى تشد فراسها مزيان ونقدموها بالصحة والراحة