طارت كلاصي مالحة

طارت كلاصي مالحة اللي قدمت لسنء الكيناني فميد راديو

الجينواز

4 بيضات

2 معالق كبار زيت

2 معالق كبار حليب

نصف معلقة صغيرة ملح

قبصة الكوزة وليبزار

الدقيق الكافي تقريبا 250غ 

نصف خمارة

نضاعفوا المقادير الا بغيناها كبيرة

الكريما

نصف لتر كريم فريش 

2 بطاطات مصلوقين ومطحونين بلا ماء

4 قطع فرماج
100غ فرماج مبشور

زلافة صغيرة مايونيز عاقد

الحشوة

100غ مورتاديلا مقطع مربعات صغيرة

250غ الكفتة او صدر الدجاج مقطع صغير او القمرون او الطون على حسب الرغبة

للتزيين

القليل من رقائق اللوزمملحة

معلقة صغيرة من صوص الصوجا

4 معالق كيتشوب

الطريقة

في اناء نطربوا البيض مع الملح وقبصة ليبزاروالكوزة جيدا ثم نضيف الزيت والحليب والطحين مغربل  تدريجيا حتى الحصول على عجين خفيف و الخميرة ويمكن مانوصوش ل 250غ  ونصبه في صفيحة مفرشة بورق الطهي وندخلها للفرن 10 دقائق مانفوتوهاش

في اناء  بارد نطربوا الكريم فريش تكون باردة ونضيف لها الملح و 2 بطاطات مصلوقين و مطحونين بلا ماء غير مع ملعقة كبيرة حليب سائل ونطرب حتى الحصول على كريما عاقدة ونضيف زلافة المايونيز و 4 قطع الفرماج  نزولوا الثلث للتزيين نحتفظوا بيه فالثلاجة وماتبقى نضيف له 100غ من الفرماج محكوك 

المونتاج 

في الخلاط الكهربائي نضع كاس الحليب القليل من الملح و2 فرماجات ونخلط الكل 

في اطار نضع الجينواز ونسقيوها بهاد الحليب ثم نضع الحشوة حسب الرغبة انا استعملت كويرات الكفتة صغار بزاف مشحرين مع شوية الملح وليبزار وعطرية المروزية والزيت ثم مورتديلا مقطعة مكعبات والقليل من الفرماج مبشورونضع القطعة الثانية من الجينواز ونسقيوها بالحليب ثم نضع كمية من الكريمة وندخلها للمجمد تقصاح ونحتفظ بباقي الكريما في الثلاجة

عند اخراجها من المجمد نزيل الاطار وندهنوها بباقي الكريما ونقادوها بسباتيل جيدا ونزوقوا الوجه بالشوكة على شكل تموجات 

ونزقوا الجوانب باللوز الايفيلي اللي حمرنا من قبل فالفران ونرشوه بملعقة كبيرة من الماء فيها ملعقة صغيرة من الملح ونرجعوه للفران يكون سخون وطافي 

نكتبوا الوجه ديالها بالكيتشوب والا بغينا الليون شكلاطي ناخذ ملعقة صغيرة صوص صوجا خاترة مع 4 معالق كباركيتشوب