مفتولتي بكريمة القهوة وشكلاط راااائعة

المكونات

العجين

250غ دقيق

بيضة

2 معالق كبار زبدة لينة

4 معالق كبار سنيدة

فاني

خمارة 

الملح

الكريمة

رابعة الحليب-زلافة صغيرة القهوة معصرة-3 معالق كبار سنيدة-3 معالق كباركريم باتيسيير عامرين-80غ شكلاط ملعقة كبيرة زبدة-روح القهوة

الطريقة

في اناء نبسبسوا كل من الدقيق والزبدة والبيضة والخمارة وفاني والملح جيدا ثم نفتلوها في الكسكاس الغليظ او فشبكة او في يدينا والا مابغاتش تجمع نزيدوا شوية الزبدة حيث كين الدقيق اللي متيشربش دغيا

نوجدوا الكريمة ناخدوا الحليب والقهوة وسكر والكريم باتيسيير وروح القهوة ونخلطوهم في كسرونة ونوضعوهم على نارهادئة مع التحريك حتى تعقاد ونضيف لها شكرط دايب مع الزبدة ونحرك حتى الحصول على كريمة عاقدة هاد الكريمة منوجدوها حتى نوضعوا الخليط فالمول

نزولوا واحد الكمية تقريبا شي كاس والباقي نوضعوه في مول كيتحل ونصب عليه الكريمة ثم ناخذ الكاس المتبقي نرشوه بيه من الفوق حتى تتغطى الكريمة وندخلوها للفرن 

منين نخرجوها نزوقوها بخطوط عشوائية من شكلاط ونرشوا بسكر صقيل

وبالصحة والراحة صدقوني تاتجي رااااااائعة ماتندموش الا جربتوها